Versión en castellano
Inicio
Concello de Frades
O Concello de Frades convoca axudas a entidades sen ánimo de lucro por importe de 32.000 €, que se poden solicitar ata o 14 de abril
Martes, 20 Marzo 2018 09:40

O Concello de Frades convoca axudas económicas a entidades culturais, deportivas, asociacións de veciños e calquera outra entidade de interese social que fomente a participación cidadá na vida municipal. As solicitudes deberán presentarse no Rexistro do Concello de Frades antes do vindeiro 14 de abril. As bases e os impresos de solicitude poden descargarse pulsando aquí.

 
Centos de persoas participaron na VII Festa da Filloa e Cachucha de Abellá
Luns, 19 Marzo 2018 17:48
FestaFilloa2018webCentos de persoas, tanto de Frades como do resto da contorna, achegáronse durante a xornada de onte domingo polo pavillón polideportivo de Abellá, onde tivo lugar a sétima edición da Festa da Filloa e da Cachucha, organizada pola asociación de veciños Os Labregos de Abellá en colaboración co Concello de Frades. Unha festa que este ano contou como novidade coa presenza do filloeiro grande de Lestedo, que non deixou de facer filloas durante toda a xornada. O grupo folclórico ordense Embruxo Gaiteiros puxo a música durante a xornada da mañá, que deu paso á verbena coa orquestra Metrópolis.
 
Frades acolle este domingo a VII Festa da Filloa e Cachucha de Abellá
Venres, 16 Marzo 2018 13:51

cachuchawebO pavillón polideportivo de Abellá (Frades) acollerá este domingo 18 de marzo, a partir das 12:00 horas, a sétima edición da Festa da Filloa e da Cachucha, que organiza a asociación de veciños Os Labregos de Abellá en colaboración co Concello de Frades. Unha festa que este ano contará por primeira vez coa presenza do filloeiro grande de Lestedo, con capacidade para producir ata 1.500 filloas por hora.

 
« InicioAnterior12345678910SeguinteFinal »

JPAGE_CURRENT_OF_TOTAL