Versión en castellano
Inicio
Concello de Frades
Cheo total na Festa de Nadal
Venres, 28 Decembro 2012 16:58

carteirorealPreto de medio cento de nenos e nenas de Frades participaron na gran Festa de Nadal organizada polo Concello en colaboración coa ANPA do CPI Pontecarreira. O multiusos quedou pequeno para albergar a tal cantidade de nenos e nenas, acompañados moitos deles dos seus pais e nais. Podes descargar as fotos da Festa de Nadal pinchando aquí.

 

 
Entrega dos premios do concurso de fotos antigas
Venres, 28 Decembro 2012 15:52

premiadosconcursofotoO alcalde de Frades, Roberto Rey, fixo entrega dos premios do concurso de fotografías antigas organizado polo Concello de Frades, ao que se presentaron máis de oitenta instantáneas cuxas copias poden visitarse durante estes días no multiusos de Frades. Unhas fotografías de temática moi variada, aínda que as que máis abundan son os retratos de familias, festas campestres e romarías, polo que un dos grandes atractivos entre os que a visitan é tratar de identificar amigos e veciños.

 
Dez veciños participaron no curso de manipulador de alimentos
Xoves, 27 Decembro 2012 00:00
manipuladoralimentos2012O multiusos de Frades acolleu o pasado venres 21 de decembro un curso de manipulador de alimentos organizado polo Concello de Frades no que participaron dez veciños O curso, de tres horas de duración, permitu a estes veciños conseguir ou renovar este carné, que facultan aos alumnos para obter traballo en empresas relacionadas coa manipulación de alimentos no sector hostaleiro (camareiros, panadeiros, dependentes de ultramarinos), alimentario, comedores escolares... Ao longo do curso, os alumnos adquiriron coñecementos relacionados coa nutrición e coa hixiene e a manipulación dos alimentos; así como sobre a conservación dos alimentos.
 
« InicioAnterior71727374757677787980SeguinteFinal »

JPAGE_CURRENT_OF_TOTAL