Versión en castellano
Inicio Novas
Novas
O Concello de Frades súmase á campaña "Tan diferentes como iguais" de Down Galicia
Xoves, 21 Marzo 2019 10:57

sindromedownO Concello de Frades súmase hoxe xoves 21 de marzo, Día Mundial da Síndrome de Down, á campaña "Tan diferentes como iguais", promovida por Down Galicia. Unha campaña que busca poñer en valor o concepto da diferencia e dar visibilidade á idea de que ningunha persoa é igual a outra e que, precisamente, esa diferenza é a que nos enriquece como sociedade.

Ler máis...
 
O Concello de Frades convoca axudas a entidades sen ánimo de lucro por importe de 32.000 € e que se poden solicitar ata o 6 de abril
Xoves, 07 Marzo 2019 00:00

O Concello de Frades convoca axudas económicas a entidades culturais, deportivas, asociacións de veciños e calquera outra entidade de interese social que fomente a participación cidadá na vida municipal. As solicitudes deberán presentarse no Rexistro do Concello de Frades antes do vindeiro 6 de abril. As bases e os impresos de solicitude poden descargarse do BOP de hoxe xoves.

 

As axudas, que contan cunha partida económica de 32.065 euros, están dirixidas a asociacións con ou sen personalidade xurídica, sempre que carezan de fin de lucro, estean inscritas no Rexistro de Entidades ou Agrupacións do Concello de Frades, desenvolvan as súas actividades no termo municipal de Frades, estean ao corrente no cumprimento das súas obrigas tributarias co Concello e non teñan pendente de xustificar ningunha subvención anterior concedida polo Concello de Frades.

 

Gastos subvencionables

 

O importe das axudas, que poderá alcanzar ata o 100% dos gastos, servirá para subvencionar:

 

  • Gastos xerais derivados das actividades (transporte, contratación de persoal docente, material inventariable etc.)
  • Obras e melloras de bens inmobles.
  • Gastos de funcionamento cando estean directamente vinculados coa realización da actividade ou investimento ata un máximo dun 10% do total subvencionable.
  • Traballos realizados por persoal voluntario non remunerado pertencente á asociación (ata un máximo dun 40%).

 

Na concesión das axudas, o Concello de Frades valorará especialmente o número de persoas beneficiadas por esas actividades, así como a calidade da programación ou a necesidade da obra. As solicitudes deberán ser entregadas no Rexistro do Concello de Frades antes do 6 de abril, acompañadas da seguinte documentación:

 

  • Solicitude
  • Fotocopia do DNI  ou CIF
  • Certificación do acordo de solicitude de axuda económica e do nomeamento da persoa representante
  • Declaración na que se recollan todas as axudas que teña solicitadas ou concedidas para a mesma finalidade polas distintas Administracións públicas
  • Declaración de atoparse ao corrente no cumprimento coas obrigas tributarias e coa Seguridade Social no momento de presentación da solicitude
  • Compromiso de facer constar en todo tipo de información que realice no desenvolvemento da actividade subvencionada, a colaboración prestada polo Concello de Frades
  • Programa detallado da actividade ou servizo para o que se solicita a subvención
  • Orzamento de ingresos e gastos da actividade
  • Importe da subvención solicitada
  • Certificación do número de conta corrente da Asociación ou do beneficiario na que se procederá ao ingreso da subvención
  • E, no caso de realización de obras, será preciso entregar a memoria valorada ou proxecto de persoal técnico competente; credencial da titularidade da propiedade; e compromiso de solicitar a licenza e autorizacións correspondentes.

 

As solicitudes serán resoltas pola Xunta de Goberno Local e as asociacións beneficiarias deberán xustificar os gastos antes do 15 de outubro de 2019.

 
O Concello de Frades organiza unha charla informativa sobre sucesións e herdanzas
Mércores, 20 Marzo 2019 11:42
O Concello de Frades organiza unha charla informativa sobre sucesións e herdanzas, que terá lugar o vindeiro venres 29 de marzo, de 16:00 a 18:00 horas, no multiúsos de Frades. A participación é totalmente de balde, se ben é preciso inscribirse previamente na casa do concello ou chamando ao teléfono 981 695 567.
 
O alumnado do CPI Ponte Carreira únese á campaña a prol da igualdade de xénero do CIM da Mancomunidade de Ordes
Venres, 08 Marzo 2019 00:00

8MFradesO alumnado do CPI Ponte Carreira (Frades) uniuse este mediodía á iniciativa promovida polo Centro de Información á Muller (CIM) da Mancomunidade de Ordes para conmemorar o Día Internacional da Muller. Así, toda a rapazada se concentrou no patio amosando cartolinas de cor lila e con forma de bocadillo de cómic nas que se recollían mensaxes a prol da igualdade e de rexeitamento da desigualdade entre homes e mulleres, nas que estiveron traballando nas clases durante a última semana. Un acto ao que asistiu o concelleiro de Ensino, Manuel Ferreiro Marzoa.

Ler máis...
 
« InicioAnterior12345678910SeguinteFinal »

JPAGE_CURRENT_OF_TOTAL