Versión en castellano
Inicio Novas
Novas
Cincuenta veciños e veciñas de Frades percorreron a segunda etapa do Camiño de Fisterra, de Negreira a Olveiroa
Luns, 29 Outubro 2018 18:16

FradesNegreiraUn grupo de 50 veciños e veciñas de Frades participaron este sábado na segunda das catro etapas do Camiño de Santiago a Fisterra, percorrendo os 33,4 quilómetros que separaban Negreira de Olveiroa. O alcalde de Frades, Roberto Rey Martínez, acompañou ás persoas participantes e anunciou que a terceira etapa, Olveiroa-Cee, de 19,5 quilómetros, terá lugar o sábado 1 de decembro.

Ler máis...
 
Comeza en Frades a segunda edición do curso de confección e patronaxe
Martes, 23 Outubro 2018 00:00
CosturaFradesUnha ducia de veciñas de Frades veñen de iniciar un curso de costura, no que adquirirán coñecementos básicos sobre as diversas técnicas de confección e patronaxe. Un curso de nove meses de duración e que dá continuidade ao que tivo lugar o pasado mes de xullo. As sesións terán lugar todos os xoves, en horario de tarde, no multiúsos de Frades. O curso está incluído no programa de actividades do Concello de Frades para este outono-inverno.
 
O Concello de Frades organiza un curso gratuíto de defensa persoal para mulleres
Martes, 16 Outubro 2018 13:46

cursodefensamulleresfradesO Concello de Frades e a Secretaría Xeral da Igualdade organizan un curso gratuíto de defensa persoal e autocapacidades para mulleres, unha iniciativa de adestramento físico e psíquico que será impartida por monitores especialistas en defensa persoal da Federación Galega de Loita. A participación está aberta ás mulleres do municipio que o desexen, sempre que se anoten no Concello de Frades (981 695 567) antes do 8 de novembro.

Ler máis...
 
32 veciños e veciñas de Frades asisten a unha charla sobre cancro do psicólogo da Xunta Local de Ordes da AECC
Martes, 09 Outubro 2018 00:00

CharlacancroUn total de 32 veciños e veciñas asistiron no multiúsos de Frades á charla “Coñecendo o cancro: que debemos saber?”, promovida pola Xunta Local de Ordes da Asociación Española Contra o Cancro (AECC) e que contou coa colaboración do Concello de Frades. Unha charla impartida polo psicólogo da AECC Marcos Calvo e na que participou o alcalde, Roberto Rey Martínez, quen aproveitou para presentar ás persoas asistentes a programación de actividades de formación do Concello de Frades para este outono/inverno.

Ler máis...
 
« InicioAnterior12345678910SeguinteFinal »

JPAGE_CURRENT_OF_TOTAL