Versión en castellano
Inicio Novas
Novas
Medio Rural remata o acondicionamento da planta baixa do edificio multiúsos de Frades como biblioteca e aula de informática
Mércores, 26 Xuño 2019 00:00

VisitaMultiusosA Consellería do Medio Rural vén de rematar as obras de acondicionamento do edificio multiúsos do concello de Frades como biblioteca, aula de informática e aula para actividades. As actuacións levadas a cabo enmárcanse nun proxecto senlleiro que xestionou a Axencia Galega de Desenvolvemento Rural (Agader), ente adscrito a esta Consellería, e que contaron cunha achega de 40.000 euros, mentres que o Concello de Frades achegou os 17.637,35 euros restantes.

Ler máis...
 
A piscina municipal de Frades abrirá as súas portas este venres 21 de xuño
Mércores, 19 Xuño 2019 00:00

PiscinaInfantilPapucinwebA piscina municipal de Frades, emprazada na parroquia de Papucín, abrirá este venres 21 de xuño as súas portas para a campaña de verán. Unha campaña na que se manterá o horario aumentado o pasado ano, de forma que o acceso á piscina será totalmente libre e de balde de luns a venres, en horario de 15:30 a 20:30 horas, e os sábados e domingos, de 13:30 a 20:30 horas. Ademais de piscina de adultos e para crianzas, os usuarios das instalacións poderán desfrutar tamén dunha pista de pádel, dun parque infantil e dunha ampla zona de merendeiro, ampliada o ano pasado.

Ler máis...
 
Roberto Rey toma posesión como alcalde de Frades comprometéndose a mellorar os servizos sociais e promover a creación de emprego
Sábado, 15 Xuño 2019 00:00

1TomaPosesionFradesRoberto Rey Martínez tomou posesión como alcalde de Frades para os vindeiros catro anos durante un acto celebrado esta tarde nun salón de plenos cheo ata a bandeira. “A ver se a xente se anima e vén máis ao resto de sesións”, apuntou Rey Martínez tras ser elixido alcalde cos 7 votos a favor do Partido Popular, mentres que os 3 concelleiros do PSOE apoiaron o seu candidato, Enrique Astray, e o concelleiro do BNG, Manuel Míguez, se votou a si mesmo.

Ler máis...
 
O Concello de Frades adquire dous desfibriladores para as actividades deportivas e organiza cursos de primeiros auxilios
Martes, 18 Xuño 2019 13:23

DesfibriladorAbellaO Concello de Frades vén de mercar dous desfibriladores para as actividades deportivas que se desenvolven no municipio. Un deles estará emprazado nas instalacións do campo de fútbol do Vedral (Abellá) e o outro estará durante o verán na piscina municipal de Frades e despois nas instalacións da SD Ponte Carreira. Así mesmo, o Concello de Frades porá en marcha cursos de primeiros auxilios para as persoas vinculadas ao mundo do deporte no municipio: equipos de fútbol, socorristas, técnicos/as, monitores/as de deporte...

Ler máis...
 
« InicioAnterior12345678910SeguinteFinal »

JPAGE_CURRENT_OF_TOTAL