Versión en castellano
Inicio Novas Frades abre a inscrición no Mes da Saúde, que inclúe 4 xornadas no Hotel Balneario Compostela nas tardes dos martes de marzo
Frades abre a inscrición no Mes da Saúde, que inclúe 4 xornadas no Hotel Balneario Compostela nas tardes dos martes de marzo
Luns, 19 Febreiro 2018 15:49

balneario2018webO Concello de Frades abre hoxe o prazo de inscrición no programa “Mes da saúde 2018”, unha iniciativa que inclúe catro xornadas nas instalacións do Hotel Balneario Compostela (Brión) que terán lugar nas tardes de todos os martes do próximo mes de marzo: 6, 13, 20 e 27. Un programa dirixido a veciños e veciñas empadroadas en Frades, que deberán anotarse no Concello ou no teléfono 981 695 567.


A admisión realizarase por rigorosa orde de inscrición. O prezo mantense nos 40 euros por persoa, xa que o Concello de Frades subvenciona o 70% do custo da iniciativa e porá un autobús á disposición das persoas participantes, que as recollerá polas distintas parroquias e sairá da Garabanxa ás 15:00 horas.

 

Os veciños e veciñas participantes deberán levar da casa traxe de baño, chancletas antiesvaradías e gorro de piscina. Durante esas catro sesións no Hotel Balneario Compostela desfrutarán dun circuíto termal que inclúe piscinas de chorros, contracorrentes, jacuzzi, saunas, ducha bitérmica e de aromas, circuíto circulatorio de pernas e unha sala de relax con mármores quentes.