Versión en castellano
Inicio Novas Remata en Frades a terceira edición do Curso de Poda e Enxertos, que formou a vinte veciños e veciñas ao longo dos últimos meses
Remata en Frades a terceira edición do Curso de Poda e Enxertos, que formou a vinte veciños e veciñas ao longo dos últimos meses
Martes, 26 Xuño 2018 00:00

CursoPodaFrades2018webUn total de vinte veciños e veciñas de Frades participaron na terceira edición do Curso de Poda e Enxertos, organizado polo Concello de Frades e que se desenvolveu ao longo dos dous últimos meses en xornada de sábado. En total foron 28 horas de formación, 20 prácticas e 8 teóricas, nas que o alumnado aprendeu técnicas de poda de especies froiteiras, ornamentais e forestais, así como os distintos métodos de propagación/multiplicación de plantas: sementes, enxertos, estacaxe, porbaixa etc.


Os concelleiros de Medio Ambiente, Juan Carlos Portos Bra, e de Medio Rural, Manuel Ferreiro Marzoa, foron os encargados de entregarlles aos alumnos e alumnas os diplomas acreditativos, antes do inicio dun xantar de despedida.